Orta ixtisas təhsil müəssisələrinə təhsilalanların qeydiyyatı prosesinə başlanılır.
Xəbər Mərkəzi məlumat verir ki, bu barədə Elm və Təhsil Nazirliyindən məlumat verilib.
Bildirilib ki, qeydiyyat prosesi 19 avqust saat 15:00-dan 31 avqust saat 18:00-dək my.gov.az platforması üzərindən həyata keçiriləcək.
Nazirlikdən qeyd olunub ki, tələbə qəbulu üçün qeydiyyat yalnız my.gov.az platforması vasitəsilə aparılır.
Şəkilsiz köhnə nəsil şəxsiyyət vəsiqəsi olan şəxslər platformada qeydiyyatdan keçmək üçün şəxsiyyət vəsiqələrini yeniləməlidirlər.
15 yaşına çatmamış vətəndaşlar isə my.gov.az platformasında şəxsi kabinetlərini “SİMA rəqəmsal imza” vasitəsilə açmalıdırlar.
