Növbəti köç karvanı Xankəndi şəhərinə çatıb, sakinlərə yeni mənzillərinin açarları təqdim olunub.
Bu mərhələdə şəhərə 22 ailə – 102 nəfər köçürülüb.
Xankəndi şəhəri, Ağdərə və Xocalı rayonlarında Bərpa, Tikinti və İdarəetmə Xidmətinin icraçı direktorunun müavini Mahmud Əfəndiyev sakinləri doğma yurdlarına qayıtmaları münasibətilə təbrik edib.
O, Xankəndidə aparılan genişmiqyaslı bərpa və yenidənqurma işləri barədə məlumat verib. Bildirilib ki, “Böyük Qayıdış” proqramı çərçivəsində keçmiş məcburi köçkünlərin doğma yurdlarına qayıdışı mərhələli şəkildə davam etdirilir.
Qeyd olunub ki, sakinlərin rahat və təhlükəsiz yaşayışı üçün şəhərdə zəruri şərait yaradılıb, yaşayış binaları ilə yanaşı, sosial və kommunal infrastruktur da yenidən qurulur.
