Nizami rayonunda 32 kiloqrama yaxın narkotik vasitə aşkarlanıb.
Nizami Rayon Polis İdarəsinin 24-cü Polis Şöbəsinin əməkdaşlarının keçirdikləri əməliyyat tədbiri nəticəsində narkotik vasitələrin qanunsuz dövriyyəsində şübhəli bilinən 33 yaşlı A.Aydınlı və 28 yaşlı H.Həsənov saxlanılıblar.
Onlardan ümumilikdə 32 kiloqrama yaxın narkotik vasitə aşkarlanaraq götürülüb.
Araşdırma zamanı saxlanılan şəxslərin narkotik vasitələri sosial şəbəkələrdə tanış olduqları, şəxsiyyətləri istintaqla araşdırılan xarici ölkə vətəndaşları vasitəsilə əldə etdikləri müəyyənləşdirilib.
İlkin məlumata görə, onlar narkotik vasitələrin paytaxt ərazisində dövriyyəsini təşkil etmək məqsədilə müxtəlif ünvanlara çatdırılmasını planlaşdırıblar.
Faktla bağlı araşdırma davam etdirilir.
