İmişlidə “MAN” markalı yük avtomobilinin pnevmatik hava balonunun partlaması nəticəsində iki nəfər ağır xəsarət alıb.
Xəbər Mərkəzi Report-a istinadən xəbər verir ki, hadisə rayonun Məzrəli kəndində yerləşən təkər təmiri sexində baş verib.
Məlumata görə, “MAN” markalı yük avtomobilinin pnevmatik hava balonuna hava vurularkən balon qəfil partlayıb.
Nəticədə Səxavət Məmmədov və Nurlan Fətəliyev ağır xəsarətlər alaraq xəstəxanaya yerləşdiriliblər.
Faktla bağlı araşdırma aparılır.
