Azərbaycanın xarici işlər naziri Ceyhun Bayramov iyulun 16-17-də Rusiyaya rəsmi səfər edəcək.
Məlumata görə, səfər çərçivəsində Ceyhun Bayramov Rusiyanın xarici işlər naziri Sergey Lavrovla görüşəcək.
Tərəflər Rusiya-Azərbaycan münasibətlərinin hazırkı vəziyyəti, əməkdaşlığın inkişaf perspektivləri, eləcə də regional və beynəlxalq gündəmdəki aktual məsələləri müzakirə edəcəklər.
Səfərlə bağlı məlumatı Rusiya Xarici İşlər Nazirliyinin rəsmi nümayəndəsi Mariya Zaxarova açıqlayıb.
