Metronun “Elmlər Akademiyası” və “Nizami” stansiyalarından “Qara Qarayev”, “Neftçilər”, “Xalqlar Dostluğu”, “Əhmədli” və “Həzi Aslanov” stansiyaları istiqamətində yeni ekspres avtobus marşrutu fəaliyyətə başlayacaq.
Məlumata görə, M9 nömrəli ekspres marşrut sentyabrın 13-dən sərnişinlərin istifadəsinə veriləcək.
Avtobusların “Elmlər Akademiyası” metrostansiyasındakı dayanacağı Hüseyn Cavid prospektində, “Həzi Aslanov” stansiyasındakı dayanacağı isə Məhəmməd Hadi küçəsində, metronun qarşısında olacaq.
Marşrut üzrə avtobuslar metronun iş qrafikinə uyğun olaraq saat 06:00-dan 00:00-dək hərəkət edəcək.
