İtaliyanın Baş naziri Giorgia Meloni ölkədə yaşayan və gələcəyini İtaliyada qurmaq istəyən şəxslərin italyan dilini öyrənməli, ölkənin mədəniyyətini bilməli və qaydalarına hörmət etməli olduğunu bildirib.
Meloni qeyd edib ki, sinifdə italyan dilini anlamayan yalnız bir uşaq olduqda, onun sinif yoldaşları və müəllimlərin köməyi ilə dili öyrənməsi və cəmiyyətə inteqrasiya olması mümkün ola bilər.
Baş nazirin sözlərinə görə, italyan dilini öyrənməyən uşaqların cəmiyyətdən təcrid olunmaq riski var. O, həmçinin sinifdə italyan uşaqların azlıqda qalmasının inteqrasiya prosesinə təsir göstərə biləcəyini bildirib.
Meloni məktəblərdə xarici şagirdlərin sayına maksimum hədd müəyyənləşdirilməsi ilə bağlı tədbirin yaxın zamanda hökumətin iclasına təqdim ediləcəyini açıqlayıb. O, həmçinin inteqrasiyada ciddi çətinlik yaşayan xarici şagirdlərin valideynlərinin italyan dilini öyrənməsinin tələb ediləcəyini bildirib.
