Mərakeş Silahlı Qüvvələrinin hərbi nümayəndə heyəti Sülh Şurasının patronajlığı altında Qəzza zolağına ilk tanışlıq səfərini həyata keçirib.
“Maghreb Times” portalının məlumatına görə, tərkibində 30-a yaxın zabitin olduğu nümayəndə heyəti beynəlxalq sabitləşdirmə qüvvələrinin yerləşdirilməsinə hazırlıq çərçivəsində bölgəyə gedib.
Səfərin əsas məqsədi beynəlxalq qüvvələrin təlim keçirə biləcəyi əraziləri müəyyənləşdirmək olub.
Qeyd edək ki, iyulun 15-də Mərakeş və Sülh Şurası ölkənin hərbi bölmələrinin Qəzzada fəaliyyət göstərəcək beynəlxalq sabitləşdirmə qüvvələrinə qoşulmasına dair saziş imzalayıb.
