Laos Xalq Demokratik Respublikasının Prezidenti Thonqlun Sisulit oktyabrın 13-də Bakıda Zəfər parkını ziyarət edib.
Parkda ali qonağın şərəfinə fəxri qarovul dəstəsi düzülüb. Thonqlun Sisulit Zəfər abidəsinin önünə əklil qoyub.
Daha sonra Laos Prezidentinə Zəfər parkı haqqında ətraflı məlumat verilib. Bildirilib ki, park Azərbaycan xalqının Vətən müharibəsində göstərdiyi qəhrəmanlığın və qazandığı tarixi Zəfərin yaddaşlarda yaşadılması, şəhidlərin əziz xatirəsinin əbədiləşdirilməsi məqsədilə yaradılıb.
