Fransada genişmiqyaslı etiraz aksiyaları və polislə toqquşmalar zamanı 1 800-dən çox şəxs saxlanılıb.
Bu barədə ölkənin daxili işlər naziri Loran Nünyes “X” sosial şəbəkəsində paylaşım edib.
“Hazırda 1 800 nəfər saxlanılıb. Təqsirkarların müəyyən edilərək məhkəmə qarşısına çıxarılması məqsədilə araşdırma aparılır”, – deyə nazir bildirib.
Nünyesin sözlərinə görə, etirazlar zamanı hüquq-mühafizə orqanlarının 500-dən çox əməkdaşı xəsarət alıb. İğtişaşçılara görə yüzlərlə mağaza sahibi də zərər çəkib.
