Lənkəranda üç yaşlı uşağın atalığı tərəfindən döyülməsi faktı ilə bağlı araşdırma aparılır.
Daxili İşlər Nazirliyinin mətbuat xidmətinin Lənkəran regional qrupundan bildirilib ki, faktla bağlı müvafiq ekspertiza təyin edilib. Araşdırmanın nəticəsindən asılı olaraq hadisəyə hüquqi qiymət veriləcək.
2023-cü il təvəllüdlü Ə.E. müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıb. Uşağa ilkin tibbi yardım göstərilib və vəziyyəti ağır qiymətləndirilir.
Uşağın səhhəti və təhlükəsizliyi nəzarətə götürülüb.
Faktla bağlı araşdırma davam etdirilir.
