Kəlbəcər rayonunda sursat partlayışı nəticəsində bir nəfər xəsarət alıb.
Baş Prokurorluq, Daxili İşlər Nazirliyi və ANAMA-nın birgə məlumatına görə, hadisə rayonun Zəylik kəndi ərazisində baş verib.
1987-ci il təvəllüdlü Qazax rayon sakini Sərxan İsgəndərov minalardan təmizlənməmiş ərazidə mal-qara otararkən sursatın partlaması nəticəsində xəsarət alıb.
Faktla bağlı Kəlbəcər Rayon Prokurorluğunda araşdırma aparılır.
