Kürdəmirdə 51 yaşlı kişi ildırım vurması nəticəsində ölüb.
Hadisə rayonun Şıxımlı kəndində baş verib. 1975-ci il təvəllüdlü Ağsu rayonunun Qasımbəyli kənd sakini Zahir Hacıalıyev qoyun otarmaqdan qayıdarkən ildırım vurub. O, hadisə yerində ölüb.
Hadisə yerinə hüquq-mühafizə orqanlarının əməkdaşları cəlb olunub. Meyit ərazidən götürülərək aidiyyəti üzrə təhvil verilib.
Hadisə zamanı bir neçə xırdabuynuzlu heyvan da tələf olub. Faktla bağlı araşdırma aparılır.
