Kürdəmir rayonunda ölümlə nəticələnən ağır yol-nəqliyyat hadisəsi baş verib.
Hadisə Bakı-Qazax magistral yolunun rayonun Qarabucaq kəndindən keçən hissəsində qeydə alınıb. 1966-cı il təvəllüdlü İmişli rayon sakini Mahmud Əliyevin idarə etdiyi “Isuzu” markalı yük avtomobili yol kənarında dayanmış “Mercedes” markalı yük maşınına çırpılıb.
Qəza nəticəsində “Isuzu”da sərnişin olan 1980-ci il təvəllüdlü İmişli rayon sakini Taleh Cabbarov hadisə yerində həyatını itirib. Sürücü isə müxtəlif dərəcəli xəsarətlər alıb.
Hadisə yerinə hüquq-mühafizə orqanlarının əməkdaşları cəlb olunub.
