ABŞ Quru Qoşunları Avropada hərbi münaqişə baş verəcəyi təqdirdə yüksəklik aerostatlarından genişmiqyaslı istifadə imkanını nəzərdən keçirir.
“The War Zone” portalının məlumatına görə, bu barədə ABŞ generalı Stiven Karpenter bildirib.
Onun sözlərinə görə, aerostatlar məlumatların ötürülməsi və silah sistemlərinin işə salınması da daxil olmaqla, müxtəlif hərbi tapşırıqların yerinə yetirilməsində istifadə oluna bilər.
General qeyd edib ki, Avropada silahlı münaqişə baş verəcəyi təqdirdə bu aparatların yüzlərlə, hətta minlərlə vahidinin hərbi əməliyyatlar zonasına göndərilməsi nəzərdə tutulur.
“Biz stratosferi yüksəklik aerostatları ilə doldurmaq istərdik. Eyni vaxtda 200–300 belə aparatın yerləşdirilməsini nəzərdə tuturuq”, – Karpenter bildirib.
