“Kartdan-karta” əməliyyatlarına limit tətbiqi ilə bağlı bəzi məqamlar açıqlanıb.
Bildirilib ki, hazırkı mərhələdə ödəniş alətləri üzrə məxaric əməliyyatlarına hər hansı limitin tətbiqi nəzərdə tutulmur.
Qeyd olunub ki, tətbiq ediləcək yanaşma risk əsaslı olacaq və müştərilərin normal xarakter daşıyan mədaxil əməliyyatlarının məhdudlaşdırılmasını nəzərdə tutmur.
Həmçinin bank və elektron pul təşkilatı müştərilərinin özlərinə və yaxın qohumlarına məxsus ödəniş alətləri üzrə mədaxil əməliyyatları müəyyən ediləcək limitlərdən istisna olunacaq.
Məlumata görə, banklar və elektron pul təşkilatları xidmətlərdən sui-istifadə risklərinin azaldılması məqsədilə ödəniş alətlərinə mədaxil əməliyyatlarında risk əsaslı yanaşmanın tətbiqi barədə razılığa gəliblər.
