İsrailin maliyyə naziri Bezalel Smotriç təyyarədə baş verən insidentlə bağlı açıqlama verib.
O bildirib ki, təyyarəni vurmağa və göyərtədəki 180 israillini öldürməyə cəhd edən şəxs həmin insanları öldürmüş kimi cəzalandırılmalıdır.
Söhbət sentyabrın 30-da Dubaydan Təl-Əvivə uçan “Flydubai” təyyarəsində baş verən insidentdən gedir. Təyyarə uçuş zamanı fövqəladə siqnallar göndərdikdən sonra Səudiyyə Ərəbistanının Tabuk şəhərinə yönləndirilib. İlkin məlumatlara görə, insident pilotlar arasında baş verən qarşıdurma ilə əlaqəli olub. Təyyarədəki sərnişinlərin hamısı sağ-salamat təxliyə olunub.
İsrail hakimiyyəti hadisəni mümkün terror cəhdi kimi araşdırır.
