İsmayıllıda ölümlə nəticələnən yol-nəqliyyat hadisəsi baş verib.
Hadisə İsmayıllı-Qəbələ yolunun 12-ci kilometrliyində, Topçu kəndində qeydə alınıb. “Mercedes E-240” markalı avtomobil idarəetmədən çıxaraq yol kənarına aşıb və yanıb. Müxtəlif dərəcəli xəsarətlər alan sürücü və avtomobildəki sərnişinin (qadın) meyiti ətrafdakılar tərəfindən çıxarılaraq aidiyyəti üzrə təhvil verilib.
Məlum olub ki, qəza nəticəsində 31 yaşlı Münəvvər Abdullazadə hadisə yerində həyatını itirib. Avtomobili idarə edən 33 yaşlı İlkin Abdullazadə isə xəsarət alıb.
Faktla bağlı araşdırma aparılır.
