İşğaldan Azad Edilmiş Ərazilərdə Daimi Məskunlaşma Fondu yaradılacaq.
Bununla bağlı dəyişiklik Prezident İlham Əliyevin təsdiqlədiyi “Qaçqınların və məcburi köçkünlərin (ölkə daxilində köçürülmüş şəxslərin) statusu haqqında” qanunda əksini tapıb.
Dəyişikliyə əsasən, fondun yaşayış sahələri xüsusi təyinatlı mənzil fondunun tərkibinə daxil ediləcək. Bu yaşayış sahələri məcburi köçkünlərin işğaldan azad edilmiş ərazilərdə daimi məskunlaşdırılması və sonradan onların mülkiyyətinə verilməsi üçün nəzərdə tutulub.
Məcburi köçkünlərin fondun yaşayış sahələrinə köçürülməsi və həmin mənzillərin mülkiyyətə verilməsi qaydası müvafiq icra hakimiyyəti orqanının müəyyən etdiyi qurum tərəfindən təsdiqlənəcək.
