Şımkənd hava limanında dəyəri 227,8 milyon tenge (503 min dollar) olan təxminən 2,8 kiloqram qızılın qaçaqmalçılıq yolu ilə ölkədən çıxarılması cəhdinin qarşısı alınıb.
Baş Nəqliyyat Prokurorluğunun məlumatına görə, Özbəkistan vətəndaşları qiymətli metalı hava limanı vasitəsilə Türkiyəyə qanunsuz aparmağa cəhd ediblər.
Qızılı gömrük nəzarətindən gizlətmək üçün onun zərrəcikləri çamadanların daxili astarına və baqajın qablaşdırma materiallarına çəkilib.
Prokurorluğun vəsatətləri əsasında aşkarlanan qızıl müsadirə olunub. Şübhəli şəxslər beynəlxalq axtarışa verilib.
Faktla bağlı məhkəməyədək istintaq davam edir.
