Milli Hidrometeorologiya Xidməti iyulun 28-i saat 10:00-a olan faktiki hava şəraiti ilə bağlı məlumat yayıb.
Məlumata görə, ölkənin bəzi ərazilərində küləkli hava şəraiti davam edir. Hazırda Bakıda və Abşeron yarımadasında şimal-qərb küləyinin maksimal sürəti 22 m/s, Culfada 21 m/s, Neftçalada 20 m/s, Naftalanda isə 18 m/s təşkil edir.
Qurumun proqnozuna əsasən, ölkə ərazisində müşahidə olunan küləkli hava şəraiti bu gün günorta saatlarından etibarən tədricən mülayimləşəcək.
