Fransada şagirdlərin etiraz aksiyalarının başlanmasından indiyədək hüquq-mühafizə orqanları təxminən 8 min nəfəri saxlayıb.
BFMTV telekanalının ölkənin Ədliyyə Nazirliyinə istinadən verdiyi məlumata görə, saxlanılanların sayı 7 950 nəfərdir. Onların 85 faizi yetkinlik yaşına çatmayanlardır.
Barəsində həbs qətimkan tədbiri seçilmiş 26 nəfərin isə 65 faizi yetkinlik yaşına çatıb.
Yuxarı sinif şagirdlərinin etirazları sentyabrın sonunda İl-de-Frans regionunda başlayıb və qısa müddətdə ölkənin digər ərazilərinə yayılıb.
Aksiya iştirakçıları müəllim çatışmazlığına və dərs cədvəllərinin həddindən artıq yüklənməsinə etiraz edirlər. Bəzi regionlarda nümayişlər iğtişaşlara və polislə toqquşmalara çevrilib.
