Fransa parlamentinin yuxarı palatası — Senat küçə nümayişləri zamanı vurulan ziyana görə etiraz aksiyalarının iştirakçılarının maliyyə məsuliyyəti daşımasını nəzərdə tutan qanun layihəsini qəbul edib.
Sənədə əsasən, etirazçılar nümayişlər zamanı dəymiş ziyana görə 10 min avroyadək ödəniş etməyə məcbur edilə bilərlər.
Qanun layihəsinin genişləndirilmiş versiyası sağçı və mərkəzçi qüvvələrin dəstəyi ilə 229 lehinə, 105 əleyhinə səslə qəbul edilib.
Təşəbbüs ilk dəfə bu ilin mayında UEFA Çempionlar Liqasının finalından sonra, PSJ-nin “Arsenal” üzərində qələbəsini qeyd edən zaman baş verən iğtişaşlarla əlaqədar gündəmə gəlib. Lakin yekun qərarın qəbuluna oktyabrın 17-də Fransada keçirilən etiraz aksiyaları zamanı baş verən ciddi iğtişaşlar da təsir edib. Həmin hadisələr zamanı ölkə üzrə minlərlə müəssisəyə ziyan dəyib və bir sıra obyektlər qarət olunub.
