Dövlət Gömrük Komitəsinin əməkdaşları “Biləsuvar” gömrük postunda İrandan Rusiyaya tranzit keçən, “təzə soğan” yüklü nəqliyyat vasitəsini yoxlayıblar.
Rentgen qurğusu və kinoloji xidmət itinin iştirakı ilə aparılan yoxlama zamanı taxta paletlərin altında kustar üsulla hazırlanmış gizli saxlanc yeri aşkarlanıb.
Həmin yerdən 80 bağlamada ümumilikdə 25 kiloqram 570 qram qurudulmuş marixuana aşkar edilərək qanunsuz dövriyyədən çıxarılıb.
Faktla bağlı araşdırma aparılır.
