ABŞ Prezidenti Donald Tramp İranla müharibəni qısa müddətdə başa çatdıra biləcəklərini və ölkənin bütün neftini ələ keçirə biləcəklərini bildirib.
O, Ağ Evin yaxınlığında jurnalistlərə açıqlamasında deyib ki, əsas məsələ müharibəni bitirmək, yoxsa İran rejiminin süqutunu gözləmək qərarıdır.
“Biz İranla müharibəni çox tez başa çatdıra bilərdik. Sual ondadır ki, biz onu başa çatdırmaq, yoxsa rejimin süqut etməsinə imkan vermək istəyirik”, – Tramp qeyd edib.
ABŞ Prezidenti, həmçinin Vaşinqtonun İranın bütün neftini götürə biləcəyini bildirib, lakin bununla bağlı ətraflı məlumat verməyib.
Trampın sözlərinə görə, ABŞ donanması Hörmüz boğazını İran üçün bağlayıb, digər ölkələr isə bu marşrutla neft daşımağa davam edirlər. O iddia edib ki, ötən həftə boğaz vasitəsilə neft ixracının həcmi müharibədən əvvəlki göstəriciləri üstələyib.
