Rusiyalı müğənni Filipp Kirkorov ABŞ-ın Mayami şəhərində yerləşən milyonluq villasını qızı Alla-Viktoriyaya simvolik qiymətə satıb.
Bazar dəyəri 6,1 milyon dollar olan malikanə cəmi 100 dollara rəsmiləşdirilib. İddialara əsasən, bu addım qızının ABŞ vətəndaşlığı ilə bağlı hüquqi üstünlüklərini qorumaq məqsədi daşıyır.
Məlumata görə, Kirkorov villanı 2011-ci ildə 4,2 milyon dollara alıb. Hazırda əmlakın mülkiyyət hüququ müğənninin özü, oğlu Martin, qızı Alla-Viktoriya və daha bir qadının adına qeydiyyatdadır.
Mayaminin prestijli La Gorce Drive küçəsində yerləşən ikimərtəbəli villanın yaşayış sahəsi 734 kvadratmetr, ümumi sahəsi isə 905 kvadratmetrdir. Əraziyə 14 min kvadratmetrlik torpaq sahəsi, yeddi yataq və yeddi vanna otağı, hovuz, cakuzi, lift və terras daxildir.
Bildirilir ki, əmlakın kadastr dəyəri 4,38 milyon dollar təşkil edir və müğənni sövdələşmə zamanı müxtəlif vergi güzəştlərindən yararlanıb.
