Fövqəladə Hallar Nazirliyi (FHN) avqustun 30-u axşamdan sentyabrın 1-dək ölkə ərazisində qeyri-sabit hava şəraiti ilə bağlı xəbərdarlıq edib.
Bu müddətdə bəzi ərazilərdə güclü yağış, külək və şimşək çaxacağı, dağlıq və dağətəyi rayonlarda isə sel və daşqınların baş verə biləcəyi bildirilir.
Sabah Bakıda intensiv yağış yağacağı, Azərbaycanın bölgələrində isə şimşək çaxacağı və bəzi yerlərdə dolu düşəcəyi gözlənilir.
FHN əhalini hava şəraitinin kəskin dəyişməsi ilə əlaqədar təhlükəsizlik qaydalarına əməl etməyə və ehtiyatlı davranmağa çağırır.
