Fövqəladə Hallar Nazirliyinin (FHN) qüvvələri ötən həftə ərzində 49 nəfəri xilas edib, 21 nəfəri isə təxliyə edib.
Nazirliyin məlumatına görə, hesabat dövründə 135 yanğına çıxış olub. Bundan başqa, köməksiz vəziyyətdə qalma ilə bağlı 40, yol-nəqliyyat hadisələri ilə bağlı isə 3 qəza-xilasetmə əməliyyatı həyata keçirilib.
Görülən təcili tədbirlər nəticəsində yanğınlar operativ söndürülüb, insanların həyatının xilas edilməsi təmin olunub.
Həftə ərzində xilas edilən 49 nəfərdən 12-si azyaşlı olub. Müxtəlif hadisələr nəticəsində 9 nəfər xəsarət alıb. Təxliyə olunan 21 nəfərin üçü azyaşlıdır.
Bundan başqa, bağlı qapı, avtoqəza və digər hadisələrlə əlaqədar 8 nəfərin meyiti aidiyyəti üzrə təhvil verilib.
