Ermənistanın sabiq prezidenti Serj Sarqsyana ölkəni tərk etmək qadağan edilib.
“Aysor”un Ermənistanın Korrupsiyaya Qarşı Mübarizə Komitəsinin bəyanatına istinadən yaydığı məlumata görə, Sarqsyana artıq ittiham irəli sürülüb.
Komitənin məlumatında bildirilib ki, sabiq prezidentə Ermənistan Respublikasının 2003-cü il aprelin 18-də qəbul edilmiş Cinayət Məcəlləsinin 308-ci maddəsinin 2-ci hissəsi ilə ittiham verilib. Bu maddə hazırda qüvvədə olan Cinayət Məcəlləsinin 441-ci maddəsinin 2-ci hissəsinin 5-ci bəndinə uyğundur.
Qeyd edək ki, Serj Sarqsyana Ermənistanın ikinci prezidenti Robert Koçaryanla bağlı başlanmış cinayət işi çərçivəsində ittiham irəli sürülüb.
Sarqsyana vəzifə səlahiyyətlərindən sui-istifadə etmənin üç, xüsusilə külli miqdarda rüşvət almağın iki və xüsusilə külli miqdarda çirkli pulların yuyulmasının dörd epizodu üzrə ittihamlar verilib.
