Naxçıvan Baş Gömrük İdarəsinin “Şahtaxtı” gömrük postunda tranzit yük daşıyan nəqliyyat vasitəsində külli miqdarda heroin aşkarlanıb.
Məlumata görə, İrandan Almaniyaya “hazır qida məhsulları” aparan yük maşını stasionar rentgen qurğusunda yoxlanılıb və daha sonra ətraflı gömrük baxışına cəlb edilib.
Yoxlama zamanı narkotik vasitə 1218 ədəd plastik qabda konservləşdirilmiş düyünün alt hissəsində gizlədilmiş vəziyyətdə aşkarlanıb.
Müsadirə edilən heroinin xalis çəkisinin 112 kiloqram 761,757 qram olduğu bildirilib.
Faktla bağlı araşdırma aparılır.
