Xarici işlər naziri Ceyhun Bayramov Azərbaycanda səfərdə olan ATƏT Parlament Assambleyasının Prezidenti Pere Xuan Pons Sampietro ilə görüşüb.
XİN-dən bildirilib ki, görüşdə Azərbaycan-ATƏT PA əməkdaşlığı, regionda vəziyyət, təhlükəsizlik məsələləri və Azərbaycan-Ermənistan sülh gündəliyi müzakirə olunub.
C.Bayramov Azərbaycanın sülh və sabitliyin təmin olunması istiqamətində fəaliyyəti, mina təhlükəsi və itkin düşmüş azərbaycanlıların taleyi barədə məlumat verib.
Görüşdə həmçinin Azərbaycanın Avropanın enerji təhlükəsizliyinə töhfəsi, Orta Dəhlizin inkişafı, regional kommunikasiyaların açılması və Azərbaycanla Mərkəzi Asiya ölkələri arasında əməkdaşlıq məsələləri ətrafında fikir mübadiləsi aparılıb.
