Bakının mərkəzi küçələrində avtomobillərin hərəkətinə tətbiq olunan məhdudiyyətlər həftəsonları ilə yanaşı, həftənin bütün günlərini əhatə edəcək.
Azərbaycan Yerüstü Nəqliyyat Agentliyinin məlumatına görə, yeni qaydalar oktyabrın 5-dən test rejimində tətbiq olunacaq. Məhdudiyyətlər Zərifə Əliyeva küçəsinin Rəsul Rza küçəsi ilə kəsişməsindən sonrakı hissəsinə, Əbdülkərim Əlizadə, Hacı Zeynalabdin Tağıyev, Tərlan Əliyarbəyov və Yusif Məmmədəliyev küçələrinə şamil ediləcək.
Sakinlərin, həmçinin operativ, tibbi, kommunal və logistika xidmətləri göstərən nəqliyyat vasitələrinin həmin ərazilərə giriş-çıxışı təmin ediləcək.
Məhdudiyyətlərin əsas məqsədi piyada zonaları arasında əlaqəni gücləndirmək, piyadaların hərəkəti üçün daha rahat və təhlükəsiz şəhər mühiti yaratmaqdır.
