İyulun 31-də Bakının Lökbatan və Qobu qəsəbələrində, eləcə də Nizami rayonunun bir sıra küçələrində qaz təchizatı müvəqqəti məhdudlaşdırılacaq.
Azərbaycan Dövlət Neft Şirkətinin “Azəriqaz” İstehsalat Birliyindən bildirilib ki, məhdudiyyət təmir-quraşdırma işləri ilə əlaqədardır.
Məlumata görə, sabah saat 10:00-dan etibarən işlər başa çatanadək Lökbatan qəsəbəsi tam, Qobu qəsəbəsinin bir hissəsi, həmçinin Nizami rayonunun R. Rüstəmov, E. Süleymanov, Q. Qarayev və C. Naxçıvanski küçələrinə qazın verilişində qısamüddətli fasilə olacaq.
