Milli Hidrometeorologiya Xidməti Bakıda, Abşeron yarımadasında və ölkənin bir sıra rayonlarında gözlənilən küləkli hava şəraiti ilə bağlı sarı xəbərdarlıq yayıb.
Məlumata görə, Bakıda və Abşeronda iyulun 16-da, bəzi bölgələrdə isə iyulun 16-18-də güclü külək müşahidə olunacaq.
Bakıda və Abşeron yarımadasında şimal-qərb küləyi, Naxçıvan MR, Kəlbəcər, Laçın, Zəngilan, Cəbrayıl, Füzuli, Quba, Qusar, Şabran, Siyəzən, Xızı, Xaçmaz, Saatlı, Sabirabad, Şirvan, Hacıqabul, Neftçala, Salyan, Biləsuvar, Cəlilabad, Lerik, Yardımlı, Balakən, Qax, Zaqatala, Şəki, Qazax, Ağstafa, Şəmkir, Tovuz, Gədəbəy, Daşkəsən, Goranboy, Naftalan, Samux, Gəncə və Mingəçevirdə isə şərq küləyi əsəcək.
Küləyin sürətinin saniyədə 13,9-20,7 metrə çatacağı proqnozlaşdırılır.
