Bakıda və Abşeron yarımadasında sentyabrın 29-da bəzi yerlərdə fasilələrlə yağış yağacağı gözlənilir.
Yarımadanın ayrı-ayrı yerlərində yağışın qısamüddətli leysan xarakterli olacağı, şimşək çaxacağı ehtimalı var. Şimal-şərq küləyi əsəcək.
Havanın temperaturu gecə 17-20° isti, gündüz 22-25° isti olacaq. Atmosfer təzyiqinin 758 mm civə sütunundan 761 mm civə sütununa yüksələcəyi, nisbi rütubətin 70-80 faiz təşkil edəcəyi gözlənilir.
Azərbaycanın rayonlarında da bəzi yerlərdə arabir yağış yağacağı ehtimal olunur. Ayrı-ayrı yerlərdə yağışın leysan xarakterli intensiv və güclü olacağı, şimşək çaxacağı, dolu düşəcəyi gözlənilir. Yüksək dağlıq ərazilərdə yağıntının sulu qar və qara keçə biləcəyi ehtimalı var.
Gecə və səhər bəzi yerlərdə duman olacaq. Şərq küləyi bəzi yerlərdə arabir güclənəcək.
Havanın temperaturu gecə 15-19° isti, gündüz 22-27° isti, dağlarda gecə 3-6° isti, gündüz 6-10° isti olacaq.
