Bakıda mağazada başlayan yanğın ətrafdakı evlərə keçib.
Xəbər Mərkəzi “Report”a istinadən məlumat verir ki, hadisə şəhərin 28 May küçəsində baş verib. Əraziyə FHN-in Dövlət Yanğından Mühafizə Xidmətinin qüvvələri və Xüsusi Riskli Xilasetmə Xidməti cəlb olunub. Ərazidə yaşayan sakinlər təxliyə edilib.
Yanğın qısa müddətdə söndürülüb. Bir sakin tüstüdən zəhərlənərək xəstəxanaya yerləşdirilib.
Hadisənin səbəbləri araşdırılır.
