Yağışlı hava şəraiti ilə əlaqədar Bakının bir sıra yollarında sürət həddi endirilib.
Daxili İşlər Nazirliyinin Nəqliyyatı İntellektual İdarəetmə Mərkəzindən bildirilib ki, Zığ dairəsi–Hava Limanı yolunda sürət həddi 40 km/saat müəyyənləşdirilib. Heydər Əliyev prospektindən Mərdəkan körpüsünə qədər olan yolda isə bütün zolaqlar üzrə sürət həddi 20 km/saat endirilib.
Bununla əlaqədar məlumat-sürət tablolarında müvafiq dəyişikliklər edilib. Həmçinin bütün tablolarda “sürüşkən yol” işarəsi aktivləşdirilib.
Sürücülərdən müəyyən edilmiş sürət həddinə əməl etmələri xahiş olunur.
