QS (Quacquarelli Symonds) təşkilatının 2026-cı il üzrə “Best Student Cities” reytinqi açıqlanıb.
Elm və Ali Təhsil üzrə Dövlət Agentliyinin məlumatına görə, dünyanın 150 şəhərinin qiymətləndirildiyi reytinqdə Bakı ötən illə müqayisədə 22 pillə irəliləyərək 95-ci yerdə qərarlaşıb.
Bakı bu mövqeni Böyük Britaniyanın Aberdin, Çinin Quançjou və Cənubi Afrika Respublikasının Yohannesburq şəhərləri ilə bölüşür. Şəhər eyni zamanda Cənubi Qafqazın ən yüksək nəticə göstərən tələbə şəhəri olub və Astana, Bişkek, Daşkənd kimi Mərkəzi Asiya şəhərlərini geridə qoyub.
QS-in “Best Student Cities” reytinqi şəhərləri universitetlərin səviyyəsi, məzunların məşğulluq imkanları, təhlükəsizlik, yaşayış və təhsil xərcləri, beynəlxalq tələbələrin sayı, eləcə də tələbə məmnuniyyəti kimi meyarlar əsasında qiymətləndirir.
