Bakı Apellyasiya Məhkəməsi Ermənistanın Azərbaycana qarşı hərbi təcavüzü zamanı törədilmiş çoxsaylı cinayətlərə görə məhkum olunmuş Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digər şəxslərin apellyasiya şikayətlərinə baxıb.
Məhkəmə apellyasiya şikayətlərini təmin etməyərək Bakı Hərbi Məhkəməsinin 2026-cı il 5 fevral tarixli hökmünü dəyişdirilmədən qüvvədə saxlayıb.
Qərara əsasən, Arayik Harutyunyan, Levon Mnatsakanyan, David Manukyan, Davit İşxanyan və David Babayan ömürlük azadlıqdan məhrumetmə cəzası alıblar. Arkadi Qukasyan və Bako Sahakyan 20 il, digər təqsirləndirilən şəxslər isə 15 ildən 19 ilədək müddətə azadlıqdan məhrum ediliblər.
Məhkəmə iclasında təqsirləndirilən şəxslər tərcüməçi və vəkillərlə təmin olunub. İclasda zərərçəkmişlərin nümayəndələri, dövlət ittihamçıları və Ombudsman Aparatının nümayəndələri də iştirak ediblər.
