Azərbaycanın xarici işlər naziri Ceyhun Bayramov Rusiya və Ukrayna arasında hərbi əməliyyatların ən qısa zamanda dayandırılmasının vacibliyini vurğulayıb.
Nazir bu barədə Ukraynaya rəsmi səfəri çərçivəsində xarici işlər naziri Andriy Sibiqa ilə geniş tərkibli görüş zamanı danışıb.
Görüşdə Ceyhun Bayramov münaqişənin beynəlxalq hüququn norma və prinsiplərinə ciddi riayət olunmaqla diplomatik yollarla həllinin vacibliyini qeyd edib.
Bununla yanaşı, Azərbaycanın Ukraynanın beynəlxalq səviyyədə tanınmış sərhədləri çərçivəsində suverenliyi və ərazi bütövlüyünə ardıcıl dəstəyi bir daha vurğulanıb.
