Vətən müharibəsi dövründə Bərdə şəhərinin raket və artilleriya atəşinə tutulmasından 6 il ötür.
2020-ci il oktyabrın 5-də Bərdə şəhərinin mərkəzi küçələrinə və mərkəzi xəstəxananın yaxınlığına raket mərmiləri düşüb.
Hadisə nəticəsində 2 nəfər həlak olub, 6 nəfər yaralanıb. Mülki infrastruktura da ciddi ziyan dəyib.
Qeyd edək ki, Bərdə şəhəri 2020-ci il oktyabrın 5, 8, 27, 28-də və noyabrın 7-də ümumilikdə 5 dəfə atəşə tutulub. Nəticədə 28 nəfər həlak olub, 108 nəfər yaralanıb.
