Milli Hidrometeorologiya Xidməti iyulun 30-31-də gözlənilən küləkli hava şəraiti ilə əlaqədar Bakı və Abşeron yarımadası, eləcə də ölkənin bir sıra bölgələri üzrə sarı və narıncı xəbərdarlıq elan edib.
Məlumata görə, Bakıda və Abşeron yarımadasında şimal-qərb küləyinin, Qobustan, Hacıqabul, Şirvan, Salyan, Neftçala, Lənkəran, Astara, Masallı, Lerik, Yardımlı, Cəlilabad, Biləsuvar, Saatlı, Sabirabad, İmişli, Beyləqan, Füzuli, Cəbrayıl, Siyəzən, Şabran, Xaçmaz, Quba, Qusar, Xızı, Mingəçevir, Yevlax, Goranboy, Daşkəsən, Naftalan, Gəncə, Göygöl, Bərdə, Tərtər, Tovuz, Ağstafa, Gədəbəy, Qazax, Şəmkir, Samux və Şəkidə isə cənub-şərq küləyinin sürəti 13,9-20,7 m/s təşkil edəcək.
Naxçıvan Muxtar Respublikasında isə narıncı xəbərdarlıq qüvvədə olacaq. Burada cənub-şərq küləyinin sürətinin 20,8-28,4 m/s-dək güclənəcəyi proqnozlaşdırılır.
