Azərbaycandan Ermənistana bu gün 977 ton dizel yanacağından ibarət növbəti partiya göndəriləcək.
16 vaqondan ibarət yük Biləcəri stansiyasından Böyük Kəsik istiqamətində yola salınacaq.
İndiyədək Azərbaycandan Ermənistana 16 min tona yaxın dizel, 5 min tona yaxın “Aİ-92” və “Aİ-95” markalı benzin ixrac olunub.
Bundan başqa, Rusiyadan Ermənistana Azərbaycan ərazisindən tranzitlə 60 min tona yaxın taxıl, 9 min tona yaxın gübrə, 1414 ton propan, 133 ton alüminium, 1114 ton kömür və 334 ton taxta göndərilib.
