Azərbaycanda bu ilin yanvar-iyun aylarında 57 işçinin əmək müqaviləsinə qanunvericiliyin tələbləri pozularaq xitam verildiyi müəyyən olunub.
Əmək və Əhalinin Sosial Müdafiəsi Nazirliyinin məlumatına görə, Dövlət Əmək Müfəttişliyi Xidmətinin gördüyü tədbirlər nəticəsində həmin şəxslər əvvəlki iş yerlərinə bərpa edilib.
Nazirlik, həmçinin qeyd edib ki, hesabat dövründə işəgötürənlərin işçilərə ödəməli olduğu 422 min 818 manat sosial xarakterli ödənişin gecikdirildiyi aşkarlanıb.
Görülən tədbirlər nəticəsində bu vəsait tam şəkildə işçilərə ödənilib. Məbləğin 92 faizi əməkhaqqı, 8 faizi isə zərərə görə ödənc, müavinət və kompensasiyalardan ibarət olub.
