Azərbaycanda oktyabrın 21-23-də yağıntılı hava şəraiti gözlənilir. Bəzi ərazilərdə leysan, dolu və qar yağacağı ehtimal olunur.
Milli Hidrometeorologiya Xidmətinin məlumatına görə, oktyabrın 21-də əsasən dağlıq və dağətəyi rayonlarda, 22-23-də isə bəzi ərazilərdə fasilələrlə yağış yağacaq. Ayrı-ayrı yerlərdə intensiv leysan, şimşək və dolu gözlənilir. Yüksək dağlıq ərazilərdə qar yağacağı, oktyabrın 22-də isə bəzi yerlərdə yağıntıların güclənəcəyi proqnozlaşdırılır.
Yağıntılar nəticəsində çaylarda sululuğun artacağı ehtimal olunur. Böyük Qafqazın və Naxçıvan Muxtar Respublikasının bəzi çaylarından qısamüddətli daşqın və sel keçə bilər.
