İyunun ikinci yarısında Avropada müşahidə olunan ekstremal istilər nəticəsində 10 mindən çox insanın həyatını itirdiyi ehtimal edilir.
Avropa ölüm hallarının monitorinqi mərkəzinin hesabatına görə, 2026-cı ilin 26-cı həftəsində qeydə alınan əlavə ölüm hallarının böyük əksəriyyəti 65 yaşdan yuxarı şəxslərin payına düşüb.
Əlavə ölüm göstəricisi ən yüksək səviyyədə Fransa və Belçikada, orta səviyyədə isə Niderland, İspaniya və İsveçrədə qeydə alınıb.
Qeyd edək ki, iyunun ikinci yarısından etibarən Qərbi Avropada havanın temperaturu 40 dərəcəni ötərək anomal istilərə səbəb olub.
