Avqustun 13-də Bakıda və Abşeron yarımadasında hava dəyişkən buludlu, əsasən yağmursuz olacaq. Temperaturun gündüz 31-36 dərəcə isti təşkil edəcəyi gözlənilir.
Azərbaycanın rayonlarında isə bəzi yerlərdə fasilələrlə yağış yağacağı, ayrı-ayrı ərazilərdə yağışın qısamüddətli leysan xarakterli olacağı, şimşək çaxacağı və dolu düşəcəyi ehtimal olunur.
Əsasən dağlıq və dağətəyi rayonlarda yağıntıların intensiv və güclü olacağı bildirilir. Gecə və səhər bəzi dağlıq ərazilərdə duman müşahidə edilə bilər.
Rayonlarda havanın temperaturu gündüz 32-37, dağlıq ərazilərdə isə 20-25 dərəcə isti olacaq.
