Azərbaycan Qida Təhlükəsizliyi Agentliyi (AQTA) Yevlaxda 16 yaşlı qızın həyatını itirməsi ilə bağlı qida zəhərlənməsi ehtimalını araşdırmağa başlayıb.
Qurumdan bildirilib ki, hadisənin səbəblərinin, eləcə də ölümün qida zəhərlənməsi ilə bağlı olub-olmamasının müəyyənləşdirilməsi məqsədilə AQTA mütəxəssisləri aidiyyəti dövlət qurumlarının əməkdaşları ilə birlikdə araşdırma aparırlar.
“Yevlaxda baş verən hadisə nəzarətdədir. Araşdırmaların nəticələri ilə bağlı ictimaiyyətə əlavə məlumat veriləcək”, – məlumatda qeyd olunub.
Xatırladaq ki, 2010-cu il təvəllüdlü Mədinə Əzizova qida zəhərlənməsi şübhəsi ilə Yevlax Rayon Mərkəzi Xəstəxanasına aparılarkən dünyasını dəyişib.
Faktla bağlı araşdırma davam etdirilir.
