Ağdaşda yetkinlik yaşına çatmayan qızın toy mərasimi ilə bağlı çəkiliş aparan İTV əməkdaşlarına hücum edilib.
Çəkiliş yetkinlik yaşına çatmayan qızın toy mərasiminin keçirilməsi ilə bağlı olub. İTV Xəbərin çəkiliş qrupu hadisəni işıqlandırmaq üçün ərazidə olarkən toy sahibləri buna etiraz edərək jurnalistlərə qarşı zorakı hərəkətlər törədiblər.
Qeyd edək ki, Ağdaşda yetkinlik yaşına çatmayan qızın toyunun keçiriləcəyi barədə daxil olan məlumat əsasında polis və aidiyyəti qurumlar tərəfindən araşdırma aparılıb. Araşdırma zamanı qızın 17 yaşının tamam olmadığı müəyyən edilib.
Polis əməkdaşları və aidiyyəti qurumların məsul şəxsləri hər iki tərəfin valideynləri ilə izahedici söhbətlər aparıb, erkən nikahın hüquqazidd olduğunu bildiriblər. Nəticədə planlaşdırılan toy məclisi təxirə salınıb.
