Ağdərə rayonunda baş verən ağır yol-nəqliyyat hadisəsi iki nəfərin ölümü ilə nəticələnib.
APA-nın Qarabağ bürosunun məlumatına görə, qəza gecə saatlarında Həsənriz–Umudlu yolunda baş verib.
Avtomobilin aşması nəticəsində Kəlbəcər rayon sakinləri – 1973-cü il təvəllüdlü Nazim Əsgərov və həyat yoldaşı, 1980-ci il təvəllüdlü Könül Əsgərova hadisə yerində həyatını itiriblər.
Qəza zamanı avtomobildə olan 2000-ci il təvəllüdlü Kəlbəcər sakini Mələk İsmayılova isə xəsarət alıb.
Faktla bağlı araşdırma aparılır.
